Bergarako Gaztetxeko ZineKluba

Zinema emanaldien itzulera gaztetxera

zinekluba — Tue, 31 Jan 2012 12:24:25 +0000

Gaztetxeko zineklubak agur esan eta gero, ikasturte hasieran gazte asanbladak Elosun egin zuen kongresuan zinema emanaldiei jarraikortasuna emateko aukera desberdinak aztertu genituen.

Hemendik aurrera zineklubaren ardura pertsona finko batzuek izan ordez, bikoteka joango gara filmak aukeratu eta hauek proiektatzen. Eguna eta ordua berdina izango da, igandetan arratsaldeko 18:00etan, maiztasuna ordea aldatu egin da, hilean bi emanaldi egongo dira, hamabostean behin.

Edozeinek proiektatu dezake film bat, horretarako gaztetxeko asanbladara gerturatu beharko delarik data hartzera (Ostiraletan 19:00etan).

Hauek dira otsaileko filmak:

Otsailak 05 – RadioFavela
Otsailak 12 – El tercerhombre

Gabonak bergarako gaztetxean!

zinekluba — Wed, 21 Dec 2011 14:52:59 +0000

Azken urteetan bezala, aurten ere hamabostaldi kulturala ospatuko dugu Bergarako gaztetxean, horretarako hamaika ekintza eta hitzordu ditugu jadanik gozatzeko prest abenduak 23an hasi eta urtarrilak5era bitartean. Gabonetako oporrak aprobetxatu eta eredu kontsumista, hedonista eta azalekoaren aisialdi alternatibo eta kritikoa proposatzea izan da gure helburua, horretarako mahai-inguruak, dokumentalak, bakarrizketak, antzerkiak, kontzertuak, tailerrak, film laburrak, karaokea, erakusketak eta abar luze bat antolatu ditugu. Ez eduki zalantzarik, etorri gabonetan Bergarako gaztetxera!

Hemen egitaraua:

Abenduak 23
19:00 Saioa Cabañas “Gauilunak” argazkilariaren erakusketaren inaugurazioa.

Saioa Cabañas bereziki euskal musika eszenako argazkiak ateratzeagatik da ezaguna. Erakusketa gabon guztietan zehar egongo da ikusgai gaztetxeko aretoan, urtarrilak 8arte. Informazio gehiago: www.gauilunak.com/

Abenduak 24
01:00 Indie gaua.

Herriko disko jartzaile batek girotuko du gabon-gaua, indie-rock estiloko musika emanaldi baterekin. Urtero lez ez da mojitorik faltako.

Abenduak 26
18:00 KrisiaK mahai-ingurua

Krisi energetikoa, krisi ekonomikoa, identitate krisia, krisi soziala… krisien garaia bizi omen dugu. Gonbidatu baten gidaritzapeenarekin, paradigma berri honi buruz hitz-egingo dugu.

Abenduak 27
18:00 Film laburren maratoia

Estilo desberdinetako film laburren proiekzioa, ez dira bitxikeriak eta sorpresak faltako…

Abenduak 28

10:00etan Asanblada irekia 2012 urteko tailer, hitzaldi eta bestelakoen plangintza orokorra antolatzeko

Abenduak 29
22:30 Monologoa Jon Plazaolaren eskutik

Jon Plazaola urretxuarrak bakarrizketa umoristikoa eskainiko du iluntzean.

Abenduak 30
22:30 “eta karmele?” Emakumeen indarkeriaren aurkako umorezko antzerkia

“Eta Karmele?” bi emakumeren arteko elkarrizketa da, umoretsua, eroa eta gazi-gozoa, pentsamendu zentzudunenetik egoerarik absurduenera pausu ttiki bat besterik ez dagoela erakusten diguna. Guztiaren erdigune, Karmele dugu. Nor ote da Karmele? Topatuko al dugu? Nolakoa izango ote da? Zentzurik ba al du Karmeleren bila ibiltzeak? Baina batez ere…non dago Karmele? Ainhoa Alberdik eta Iraia Eliasek antzeztua. Gidoia: Samara Velte.

Abenduak 31
01:30 Potroestu eta guajaloteak
03:00 Karaokea IV. edizioa

Ohitura den bezala, urteari hasiera emateko jai kuriosoa egongo da Bergarako gaztetxean. Lehenengo herriko musikari talde batek Potroestu eta guajaloteak izenpean Kojon prieto taldearen bertsio festa eskainiko dute. Ondoren azken urteetako arrakastaren babespean, gaztetxeko karaokearen edizio berri bat egongo da.

Urtarrilak 2
18:00 “Borroka ideologikoa Euskal Herrian” mahai-ingurua .

Andoni Olariaga eta Iban Galletebeitia Lapiko Kritikoa aldizkariko kideak gaur egungo paradigma berriari buruz hitz-egingo dute, ondoren guztion artean eztabaidatzeko aukera egongo da.

Urtarrilak 3
19:00 Kontzertuak: Shut up + Ghetto

Shut Up, funk-rock instrumentala jorratzen duen talde gaztea da. Fernando Laskurain (gitarra), Mikel Azkargorta (baxua) eta Mikel Ilarduia (bateria) Mahaster River eta Aby Kem bezalako taldeetan ibilitako musiko arituak dira. Jazz-a, funk berriena, rock klasikoena eta hurbilketa pertsonal eta intimistagoak uztartzen dituzten konposizio propioak sortu dituzte.

Ghetto taldea 2007an Mendiola, Elorrixo, Durango, Bergara eta Atxondoko sei lagunek Anboto azpiko bailara galdu baten barrenean dagoen Santixa auzoko baserri batean sortu zen, rock-a eta funk-a nahasten ditu proiektu honek.

Urtarrilak 4
18:00 Kaleak margotzen
22:30 Exit through the gift shop dokumentala

Nola islatu gure ideiak paretetan? Orijinaltasuna eta ideia onak nahasten dituzten Azkoitiko aditu batzuen eskutik gomendio eta ariketa praktikoak nahasten dituen plantilla tailerra izango da arratsaldean.

Gauean Banksy artista ezagunaren Exit through the gift shop dokumentala proiektatuko da, kaleko arteari buruzko maisulana.

Urtarrilak 5
18:30 Señor Buho
00:00 Governors + Drop

Arratsaldean Ibizatik zuzenean datorren Señor buho pop-rock taldea izango da gaztetxean.

Gauean arrasateko Governors taldea egongo da Collage bere azken diska aurkezten, Governors-ekin batera Drop arrasateko metal talde berria izango da.

Besterik ez, gabonetan kartzela zaharrean ikusiko garelakoan, ondo ospatu oporrak eta izan errebelde.
Bergarako gazte asanblada

Agurra

zinekluba — Wed, 19 Oct 2011 20:30:00 +0000

Aurten ez da zinema emanaldirik egongo kartzela zaharrean, hiru urteko zikloa ixtera goaz. Guztira 110 film proiektatu ditugu eta dudarik gabe plazer bat izan da proiektuan parte hartzea.

Ezin izan diogu iganderoko maiztasunak eskatzen duen lan-kargari aurre egin eta aurten proiektua bertan behera uztea erabaki dugu. Honek ez du esan nahi gaztetxean ez denik zinema proiekziorik egongo, data esanguratsuetan antolatuko ditugu emanaldi solteak eta horrez gain, aurten ikus-entzunezkoekin zerikusia duen beste proiektu bat sortuko da gaztetxean, lagun talde batek hilabeteko azken ostegunetan dokumental bat proiektatuko du.

Gogoratu behar dugu gaztetxea herriari irekita dagoela eta inork zineklubaren testigua hartzea edo zerbait berria sortzea nahi badu, kartzelako ateak irekita daude herri guztiarentzat.

Mingarria da Bergara bezalako herri batean zinema aretorik gabe jarraitzea, alde horretatik nobedade gutxi. Aurrez ere gabeziari aurre egiteko asmo gutxi bazeuden, krisiarekin datozen lehen mozketak kulturak pairatzen dituenez, etorkizun beltza dauka herriak alde horretatik. Zinea orain mugimendua ere husten joan da eta Zabalotegiko aretoa bezalako partxea betikotzekotan dago. Ez dugu Nuovo Ariznoa bat eskatzen, baina argi dagoena da 35mm-ko zinemaz zein kalitate handiko zinema digitalaz gozatzea nahi badugu kanpora joan behar garela. Asier Altuna bergararrak Bertsolari, bere azken lana Arrasaten estreinatu behar izan du Aupa Etxebeste herriko frontoian modu txarrean estreinatu ondoren. Euskal herri osoan ikusi daiteke filma Bergaran, zinemagilearen sorterrian, izan ezik. Hilabete amaierarako antolatu dute proiekzioa Zabalotegin, 120 eserleku eta DVD sistemarekin, auzo-lotsa.

Zineklubaren proiektura itzuliz, guretako plazer bat izan da igandero doan alternatiba bat eskaintzea. Gure asmoa filma proiektatzeaz gain, kolokioa egitea zen baina alderdi horretan ez dugu asmatu, gutxitan lortu dugu eta mahai-ingurua osatzea. Momentu gogoangarri asko utzi digu ordea proiektuak. Negar, emozionatu, gorrotatu, maitatu, kritikatu, pentsatu, disfrutatu, ikasi… denetarik egin dugu eta bertan bizitakoak ez dira erraz ahaztuko.

Eskerrak ematea besterik ez zaigu gelditzen zinekluba proiektuaren parte izan zareten guztioi, proiekziotara etorri, muntaian eta desmuntaian lagundu, filmak gomendatu, bozgorailu lanetan ibili… modu batean edo bestean proiektuaren parte izan zareten guztioi eskerrik asko, gustuko pelikula bakarra partekatu eta igande baterako alternatiba bat sortu badugu nahiko, merezi izan du.

Besarkada bero bat,
Bergarako gaztetxeko zinekluba

Azken hiru urtetan proiektatutako filmak:

2008/12/07 – Una historia del Bronx
2008/12/14 – El club de la lucha
2008/12/21 – Donnie Darko
2008/12/29 – Scarface
2009/01/04 – Lucio
2009/01/11 – Snatch
2009/01/18 – Teléfono rojo
2009/01/25 – El gran lebowski
2009/02/01 – El día de la Marmota
2009/02/08 – Memento
2009/02/15 – Quadrophenia
2009/02/22 – Alguien voló sobre el nido del cuco
2009/03/01 – Salvador
2009/03/08 – Ciudad de Dios
2009/03/15 – Hacia rutas salvajes
2009/03/22 – 24 Hour Party People
2009/03/29 – Réquiem por un sueño
2009/04/05 – El señor de la guerra
2009/04/12 – Granujas de medio pelo
2009/04/19 – Green Street Hooligans
2009/04/26 – Fargo
2009/05/03 – 300
2009/05/10 – En la cuerda floja
2009/05/17 – El viento que agita la cebada
2009/05/24 – Contact
2009/06/07 – Soy un cyborg
2009/06/14 – Vanilla Sky
2009/06/21 – Elephant
2009/06/28 – Clerks
2009/10/04 – Primavera, verano, otoño, invierno… y primavera
2009/10/11 – Gran torino
2009/10/18 – El caballero oscuro
2009/10/25 – Vals con Bashir
2009/11/01 – V de Vendetta
2009/11/08 – Bagdad Rap
2009/11/15 – El método
2009/11/22 – El sargento de hierro
2009/11/29 – Concursante
2009/12/06 – Partes privadas
2009/12/13 – Días de radio
2009/12/20 – I cento passi
2009/12/27 – LT22 Radio La Colifata
2010/01/03 – La marcha del millón de hombres
2010/01/10 – Sospechosos habituales
2010/01/17 – To shoot an elephant
2010/01/24 – 12 monos
2010/01/31 – La revolución no será televisada
2010/02/07 – En tierra de nadie
2010/02/14 – Hero
2010/02/21 – Encuentros en la tercera fase
2010/02/28– Las Tortugas También Vuelan
2010/03/07 – Primera plana
2010/03/14 – La habitación de Fermat
2010/03/21 – Doce hombres sin piedad
2010/03/28 – La caja Kovak
2010/04/04 – Diario de un rebelde
2010/04/11 – Camino a la gloria
2010/04/18 – Entrenador Carter
2010/04/25 – Una mala jugada
2010/05/02 – Idiocracia
2010/05/09 – Están vivos
2010/05/16 – Battle royale
2010/05/30 – Hijos de los hombres
2010/06/10 – El experimento
2010/06/13 – El expreso de medianoche
2010/06/17 – Cadena perpetua
2010/06/24 – La gran evasión
2010/07/01 – Los cronocrimenes
2010/07/08 – Cortina de humo
2010/07/15 – Moon
2010/07/22 – Human nature
2010/07/28 – Plan oculto
2010/10/03 – Cinema Paradiso
2010/10/10 – La estrategia del caracol
2010/10/17 – Hierro 3
2010/10/31 – El jefe de todo esto
2010/11/07 – El sentido de la vida
2010/11/14 – Waking life
2010/11/21 – El séptimo sello
2010/11/28 – Collapse
2010/12/05 – Confesiones de una mente peligrosa
2010/12/12– Network, un mundo implacable
2010/12/19– Outfoxed
2010/12/26 – Asesinos Natos
2011/01/02 – Noche en la tierra
2011/01/09– 99 francos
2011/01/16 – En un mundo libre
2011/01/23 – El odio
2011/01/30 – Un lugar en el mundo
2011/02/06 – Salda badago
2011/02/13 – American Hardcore
2011/02/20 – Metal: A Headbanger’s Journey
2011/02/27 – RiP: A Remix Manifesto
2011/03/06 – El octavo día
2011/03/13 – La escafandra y la mariposa
2011/03/20 – Bienvenido Mr. Chance
2011/03/27 – Bailar en la oscuridad
2011/04/03 – Fargo
2011/04/10 – Comprar, tirar, comprar
2011/04/17 – Los Edukadores
2011/04/24 – La Ola
2011/05/01 – Nazarín
2011/05/08 – El verdugo
2011/05/15 – The Bird People in China
2011/05/22 – El político
2011/06/19 – Mi mejor enemigo
2011/07/06 – Uno, dos, tres
2011/07/13 – Arizona Baby
2011/07/20 – Academia Rushmore
2011/07/27 – Zombies party

Uztailak 27 – Zombies party

zinekluba — Sat, 23 Jul 2011 15:08:13 +0000

Izenburua: Zombies party
Zuzendaria: Edgar Wright
Urtea: 2004
Iraupena: 99′

Laburpena:

Shaun-en bizitza gainbehera doa, egun osoa herriko pub batetan igarotzen du, bere amarekin diskutitu du eta neskalagunak utzi egin dio. Bizitzari buelta eman eta bere neskalagun ohiari pertsona heldu bat dela erakusteko, Shaunek, zombie multzo bati aurre egin beharko dio.

Informazio gehiago:

Wikipedia (Gazteleraz)
Filmaffinity (Gazteleraz)
IMDb (Ingelesez)

Uztailak 27, asteazkena, gabeko 22:30etan, bergarako gaztetxean

Uztailak 20 – Academia Rushmore

zinekluba — Thu, 14 Jul 2011 18:43:46 +0000

Izenburua: Academia Rushmore
Zuzendaria: Wes Anderson
Urtea: 1998
Iraupena: 93′

Laburpena:

Max Fisher, Rushmore unibertsitateko ikasle errebelde eta ezaguna da. Unibertsitateko aldizkariko editorea, kapitaina, elkarte desberdinetako lehendakaria eta Rushmore prestigiozko unibertsitateak bere historian izan duen ikasle txarrenetariko bat da.

Informazio gehiago:

Wikipedia (Gazteleraz)
Filmaffinity (Gazteleraz)
IMDb (Ingelesez)

Uztailak 20, asteazkena, gabeko 22:30etan, bergarako gaztetxean

Uztailak 13 – Arizona Baby

zinekluba — Thu, 07 Jul 2011 00:00:12 +0000

Izenburua: Arizona Baby
Zuzendaria: Joel Coen
Urtea: 1987
Iraupena: 93′

Laburpena:

H.I. eta Edwina, ume bat izateko gai ez diren bikote desesperatu bat da. Familia bat eraikitzeko helburuarekin, boskiak izan dituzten guraso batzuei ume bat bahitzea erabakitzen dute.

Informazio gehiago:

Wikipedia (Gazteleraz)
Filmaffinity (Gazteleraz)
IMDb (Ingelesez)

Uztailak 13, asteazkena, gabeko 22:30etan, bergarako gaztetxean

Uztailak 06 – Uno, dos, tres

zinekluba — Sun, 03 Jul 2011 10:00:52 +0000

Izenburua: Uno, dos, tres
Zuzendaria: Billy Wilder
Urtea: 1961
Iraupena: 108′

Laburpena:

C.R. MacNamarak, freskagarriak saltzen dituen multinazional batetako agente komertzialak, bere marka URSSen sartzen saiatzen ari da. Herrialde komunistara egin behar duen negozio bidaian bere buruzagiak alaba zaintzea agintzen dio, honek, MacNamaran tutoretzari muzin egin eta gazte komunista batez maitemintzen da.

Informazio gehiago:

Wikipedia (Gazteleraz)
Filmaffinity (Gazteleraz)
IMDb (Ingelesez)

Uztailak 06, asteazkena, gabeko 22:30etan, bergarako gaztetxean

Uztaileko agenda

zinekluba — Sat, 02 Jul 2011 12:51:37 +0000

Barealdia eta gero, udako proiekzioei eusteko ordua iritsi zaigu. Uztailerako umorezko lau film aukeratu ditugu, garai desberdinetako lau genero. Komedia politikoa, road komedia, komedia unibertsitarioa eta berrikuste komedia.

Gogoratu uztaileko datak egunez eta orduz aldatzen direla, proiekzioak asteazkenetan, gaueko 22:30etan izango dira, aire librean, bergarako gaztetxeko kanpoko patioan.

Ekin diezaiogun ba ikasturteko azken txanpari, hemen egitaraua:

Uztaila: Pelikula komikoak

Uztailak 06 – Uno, dos, tres (1961, Billy Wilder)
Uztailak 13 – Arizona Baby (1987, Joel Coen)
Uztailak 20 – Academia Rushmore (1998, Wes Anderson)
Uztailak 27 – Zombies party (2004, Edgar Wright)

Ekainak 19 – Mi mejor enemigo

zinekluba — Wed, 15 Jun 2011 11:28:52 +0000

Ekainean saiorik egongo ez zela aurreratu genuen arren, bergarako gaztetxeko urteurrenaren aitzakiari eutsiz, igande honetan hilak 19, gaueko 22:30etan “Mi mejor enemigo” filma proiektatuko da kanpoko patioan.

Izenburua: Mi mejor enemigo
Zuzendaria: Alex Bowen
Urtea: 2004
Iraupena: 100′

Laburpena:

Txile eta Argentina gerrara joateko prest daude Patagoniako frontean, txileko patruila batek iparrorratz galdu du eta ez daude ziur argentinako lurretan edo txilekoetan aitzurtu duten trintxera.

Informazio gehiago:

Wikipedia (Gazteleraz)
Filmaffinity (Gazteleraz)
IMDb (Ingelesez)

Ekainak 19, gabeko 22:30etan, bergarako gaztetxean

Gogoratu uztailean itzuliko garela hilabete osoko egitarauarekin, bitartean hemen urteurreneko egitarau osoa:

Bergarako gaztetxeko 11. urteurreneko egitaraua:

Ekainak 16 (Osteguna)

18:30etan Anarkherria 25 Urte hitzaldia, Hizlaria: Jakue Pascual

21:00tan Afaria “Auzoko” taldearen eskutik. Munduko Janariak izango dira dastagai. Talde honek, etorkinen integrazioa euskararekin uztartzen du eta honakoan etorkinekin batera euren lurraldeetako janariak egongo dira (senegal, latinoamerika, EH, Maroko). Afarirako sarrera 3 eurokoa izango da.

Ekainak 17 (Ostirala)

23:00tan. “Apropox” antzerki taldearen eskutik “Eunon” hitzik gabeko antzezlana.

Ekainak 18 (Larunbata)

12:00tan triki poteoa gaztetxetik abiatuta

14:30tan bertso bazkaria egongo da Eneritz Zabaleta eta Unai Gaztelumendi bertsolarien eskutik. Tiketak 8 euroren truke Arrano eta gaztetxean daude salgai.

19:00etan dantza tradizionala eta garaikidea uztartzen duen taldea izango da.

22:30etan kontzertuak: Fight to Life, AMD eta Ziggy and Koustic.

Ekainak 19 (Igandea)

22:30etan Zinekluba kanpoko patioan: Mi Mejor Enemigo.

Ekainak 20 (Astelehena)

18:30etan La Ternura De Los Pueblos hitzaldia Jesus Valencia-ren eskutik.

Ekainak 21 (Asteartea)

18:30etan Musika Zuzenean, webgunearen aurkezpen tertulia herriko musikariekin.

21:00tan Txapa irratian (97.2 FM eta www.txapairratia.org atarian) Sasi guztien azpitikgaztetxeko historia, gaur egungo egoera eta etorkizuna aztertuko dituen irratsaio berezia.

Egubakoitzak kartzelan II

zinekluba — Wed, 01 Jun 2011 07:00:07 +0000

Egubakoitzak kartzelan egitasmoaren arrakasta ikusita, irailerako bigarren edizio bat prestatu dugu. Iraileko ostiral guztietan kontzertu lasaiak izango ditugu kartzela zaharreko kanpo eszenatokian.

Egitaraua hurrengoa da:

Irailak 02:

Civil Love:

Civil Love ezizenaren atzean Urko Eizmendi dago, Krilin talde ezagunaren abeslari eta baxujolea. Bakarlari bezala, bertsio ezagunak eta kantu propioak nahasten ditu. Donostiakoa izan arren, urteak dira AEBtan bizi dela eta irailean Euskal Herrira datorrela aprobetxatuz, kartzela zaharreko eszenatokitik pasako da.

Giorgio Bassmatti:

Donostiako folk bakarlari berezi honek urte askotako ibilbidea egin du musikaren munduan, Donut, AMA eta La Orquesta Bávara de Soplos Intermitentes bezelako proiektuetan. Giorgio Bassmattiren bakarkako kontzertuak bereziak izaten dira, emanaldi bakoitzerako kantak asmatu, jo eta ez dituelako inoiz kanta horiek errepikatzen.

Irailak 09:

Mikel Urdangarin:

Zubia zerbait hauskorra da, zubia da aurrena botatzen dena gerra garaietan. Baina batzen gaituen hori ere zubia da, lotura beharrezkoa. Mikelen ahotsa bezala. Itxura batean hauskorra du boza Mikelek, baina guztiz beharrezkoa bilakatzen zaigu, munduarekin adiskidetzen gaituen zilbor-estea baita. Ez du aurkezpenik behar.

Ekaitz:

Irlandako folkaren influentzia ezkutatzen ez duen arren, euskal identitatea eta rockero izaera oso presente daude Ekaitz Aranberriren bertsio eta kanta propioetan. Ubera auzoko bakarlariak saio berezia prestatu du Egubakoitzak kartzelan ekimenerako.

Irailak 23:

Napoka Iria:

Indarra, sentimendua eta sentsazio ona erakusten duen Eibarreko bikote akustikoa kartzela zaharrera itzuliko da Bergaran bertan grabatutako zuzeneko diska berria aurkeztera.

Mara:

Laudioko Igor Arzuaga ezkutatzen da Mara pertsonaiaren atzean, pianojole trebeak formatu berezi baina oso interesgarria eskaitnzen du. Piano klasikoa eta letra pentsatuak lehen momentutik harrapatzen zaituen emanaldi baterarako.

Irailak 30:

Azkaiter Pelox:

Unai Azkarate oso ezaguna da bere kontzertuak bereziak eta errepikaezinak izateagatik, kantu propioak eta bertsio ezagunen moldaketak egiteaz gain, oso ohikoa du saio bakoitzerako sorpresa bat prestatzea.

Saioa:

Legorretako bakarlariak bihotzetik abestu eta bihotzera heltzen den folk rock-a egiten du, ahaztezina den horietakoa.

Kontzertuak puntual hasiko dira, gaueko 22:00etan eta 3€ko sarrera izango dute guztiek. Bertaratzeko arazoak dutenentzat, kontzertua Txapa Irratiaren bidez emitituko dira zuzenean 97.2 FMko dialean eta streaming bidez www.txapairratia.org atarian.